Tinuig nga mga Kombensiyon​—Kahigayonan sa Pagpakitag Gugma

Nganong malipay kaayo ta sa atong tinuig nga mga kombensiyon? Sama sa karaang Israel, ang atong mga kombensiyon karon maghatag natog kahigayonan sa pagsimba kang Jehova uban ang gatosan, o linibo pa, ka isigkamagtutuo. Nalipay ta sa dagayang espirituwal nga pagkaon. Gipabilhan sab nato ang bililhong panahon nga makauban ang atong mga higala ug pamilya. Tungod sa atong dakong apresasyon, tambongan gyod nato ang tulo ka adlaw nga kombensiyon.

Dihang motambong ta niana nga mga okasyon, dili lang kaugalingon ang atong hunahunaon, kondili kon unsaon sab nato pagpakitag gugma sa uban. (Gal 6:10; Heb 10:24, 25) Dihang buksan natog pultahan ang atong mga igsoon o dihang magreserba lang tag lingkoranan nga atong gikinahanglan, gipakita nato nga atong giuna ang kaayohan sa uban. (Flp 2:3, 4) Maayong kahigayonan sab ang pagpangitag bag-ong mga higala diha sa kombensiyon. Sa dili pa magsugod o human sa programa ug panahon sa paniudto, puwede natong himoong tumong nga ilailahon kadtong wala pa nato mailhi. (2Co 6:13) Ang panaghigalaay nga atong maugmad niini nga mga okasyon mahimong mohangtod sa walay kataposan! Labaw sa tanan, dihang makita sa mga dili Saksi ang atong tinuod nga gugma, lagmit madani sila sa pagduyog kanato sa pag-alagad kang Jehova.​—Ju 13:35.

TAN-AWA ANG VIDEO NGA ANG GUGMA DILI MOLUBAD! INTERNASYONAL NGA MGA KOMBENSIYON, DAYON TUBAGA ANG MOSUNOD NGA MGA PANGUTANA:

• 

  Sa unsang paagi gipakitaag gugma ang mga bisitang delegado niadtong 2019 internasyonal nga mga kombensiyon?

• 

  Nganong talagsaon ang panaghiusa ug gugma sa katawhan ni Jehova?

• 

  Unsang mga bahin sa Kristohanong gugma ang gipasiugda sa mga membro sa Nagamandong Lawas?

• 

  Sa unsang paagi ang Kristohanong gugma naghiusa sa atong mga igsoon sa Germany ug South Korea?

• Unsay angay natong determinasyon?