KRISTOHANONG PAGKINABUHI
Tabangan Ta ni Jehova nga Makalahutay sa Atong mga Kalisdanan
Niining kataposang mga adlaw, daghan tag giatubang nga mga kalisdanan. Usahay, mobati ta nga morag dili nato ni makaya. Pero kon moduol ta kang Jehova, tabangan ta niyang molahutay bisan sa lisod kaayo nga mga pagsulay. (Isa 43:2, 4) Sa unsang paagi makaduol ta kang Jehova dihang mag-atubang ug mga pagsulay o kalisdanan?
Pag-ampo. Kon ibubo nato ang atong kasingkasing kang Jehova, hatagan ta niyag kalinaw sa hunahuna ug kusog aron makalahutay.—Flp 4:6, 7; 1Te 5:17.
Mga Tigom. Mas gikinahanglan nato karon ang espirituwal nga pagkaon ug pagdinasigay nga gitagana ni Jehova pinaagi sa atong mga tigom. (Heb 10:24, 25) Kon mangandam ta, motambong, ug mokomento sa mga tigom, mas makabenepisyo ta sa tabang sa balaang espiritu ni Jehova.—Pin 2:29.
Ministeryo. Kon maningkamot ta nga mahimong busy sa ministeryo, mas dali tang makapokus sa positibong mga butang. Mas masuod pod ta kang Jehova ug sa atong mga igsoon.—1Co 3:5-10.
TAN-AWA ANG VIDEO NGA SI JEHOVA MAGSAGOP KANIMO, DAYON TUBAGA ANG MOSUNOD NGA MGA PANGUTANA:
Unsay nakatabang kang Malu nga makapabiling suod kang Jehova dihang nakasinati siyag mga kalisdanan?
Sama kang Malu, sa unsang paagi ang Salmo 34:18 makahupay nato panahon sa kalisdanan?
Sa unsang paagi ang kasinatian ni Malu nagpakita nga hatagan ta ni Jehova ug “gahom nga labaw sa kasarangan” dihang mag-atubang ug mga pagsulay o kalisdanan?—2Co 4:7