Unsa ang Imong mga Tumong sa Bag-ong Tuig sa Pag-alagad?

Ang espirituwal nga mga tumong naglakip sa bisan unsa nga gipaningkamotan natong makab-ot aron mas bug-os tang makaalagad kang Jehova ug mapalipay siya. Makatabang ni nato nga mahimong hamtong ug dili gyod masayang ang atong panahon ug kusog sa pagkab-ot niini. (1Ti 4:15) Nganong angay nga regular natong susihon ang atong mga tumong? Kay ang atong kahimtang mausab. Ang atong tumong sa una dili na tingali realistiko, o lagmit nakab-ot na nato ni ug puwede pang mokab-ot ug laing tumong.

Ang maayong panahon sa pagsusi sa mga tumong maoy sa dili pa magsugod ang bag-ong tuig sa pag-alagad. Puwede ba ninyo ning hisgotan sa inyong pamilyahanong pagsimba ug magtakda mog mga tumong para sa inyong kaugalingon ug ingong pamilya?

Unsa ang imong espesipikong mga tumong bahin sa mosunod, ug unsay imong giplanong himoon aron makab-ot kini?