KRISTOHANONG PAGKINABUHI

Sundoga ang Maunongong Gugma ni Jehova

Si Jehova ang kinalabwang ehemplo sa pagpakitag maunongong gugma. (Sal 103:11) Kini nga klase sa gugma dili kay molabay lang o mohupas dayon. Ang maunongong gugma maoy lawom nga pagbati, ug kini molungtad. Kini nga hiyas gipakita ni Jehova sa katawhang Israel sa daghang paagi. Iya silang gipagawas gikan sa pagkaulipon sa Ehipto ug gidala sila sa Yutang Saad. (Sal 105:42-44) Nakig-away siya para sa iyang katawhan ug balikbalik niya silang gipasaylo dihang makasala sila. (Sal 107:19, 20) Samtang atong “susihon pag-ayo ang mga buhat sa maunongong gugma ni Jehova,” madasig ta sa pagsundog niya.—Sal 107:43.

Collage: Mga drowing nga base sa video nga ‘Susiha Pag-ayo ang mga Buhat sa Maunongong Gugma ni Jehova.’ 1. Si Brader Capra ug ang laing brader miduaw sa sister diha sa iyang balay. 2. Si Brader Capra, nga karon napriso uban sa mga brader, nanghatag ug pagkaon sa nasakit nga brader nga naghigda.

TAN-AWA ANG VIDEO NGA ‘SUSIHA PAG-AYO ANG MGA BUHAT SA MAUNONGONG GUGMA NI JEHOVA,’ UG DAYON TUBAGA ANG MOSUNOD NGA MGA PANGUTANA:

Sa unsang mga paagi makapakita tag maunongong gugma?

Imong tubag
Nganong ang pagpakitag maunongong gugma nagkinahanglag pagsakripisyo?

Imong tubag