Tip sa Pagtuon

Pilia kon Unsay Unahon Nimog Tuon

Limitado ra ang atong panahon para sa personal nga pagtuon. Busa sa unsang paagi mas makabenepisyo ta sa atong pagtuon? Una, ayaw pagdali. Mas makabenepisyo ka kon tun-an nimog maayo ang gamay ra nga impormasyon kay sa dalidalion nimog basa ang daghan kaayong reperensiya.

Dayon, pilia kon unsay unahon nimog tuon. (Efe. 5:15, 16) Niay pipila ka sugyot:

• Basaha ang Bibliya kada adlaw. (Sal. 1:2) Ang atong senemanang eskedyul sa pagbasa sa Bibliya para sa midweek nga tigom maoy nindot kaayong paagi nga masugdan nimo ang imong rutina sa pagbasag Bibliya.

• Pangandam para sa Pagtuon sa Bantayanang Torre ug sa midweek nga tigom. Himoang tumong nga makakomento ka.—Sal. 22:22.

• Paningkamoti nga makagahin kag panahon sa pagbasa ug pagtan-aw sa ubang espirituwal nga pagkaon, sama sa atong publikong edisyon nga mga magasin, video, ug ubang materyal nga naa sa jw.org.

• Paghimog study project. Puwede kang mag-research bahin sa problema nga imong giatubang, pangutana nga imong nahunahunaan, o topiko sa Bibliya nga gusto nimong mas masabtan. Makakuha pod kag ideya gikan sa “Pagtuon sa Bibliya” nga seksiyon sa jw.org.