Gamita ang jw.org sa Ministeryo—“Mahimong Higala ni Jehova”
Ang seksiyong “Mga Doktrina sa Bibliya” sa jw.org [jw.org/ceb sa Cebuano] dunay para sa mga bata nga gitawag ug “Mahimong Higala ni Jehova.” Kini may mga awit, video, ug kalingawán. (Ang pipila niini nga mga video makita sa jw.org/ceb.) Imo na ba ning nagamit sa ministeryo? Kon ang imong Bible study dunay gagmayng anak, maayo nga ipakita kini kaniya. Lagmit mainteres siya nga motan-aw sa uban pang bahin sa atong Web site.
Dihang nanagtag sa Kingdom News Num. 38, nahatagan sa brader ug tract ang usa ka inahan nga mibasa dayon niini. Nangutana ang iyang mga bata bahin sa tract. Gihisgotan kadiyot sa brader ang sulod sa tract ug gipakita ang adres sa atong Web site diha sa luyo. Kay interesado man ang inahan, gipatan-aw sa brader ang usa sa mga video ni Caleb ngadto sa inahan ug mga bata gamit ang iyang smartphone.
Usa ka sister ang nakig-estorya sa iyang katrabaho nga usa ka inahan bahin sa atong Web site ug sa seksiyon niini para sa pamilya. Giablihan sa inahan ang jw.org uban sa iyang mga anak. Sa ulahi, giingnan niya ang sister nga gikanta-kanta sa iyang mga anak ang “Isangyaw ang Pulong,” usa sa mga awit diha sa “Mahimong Higala ni Jehova.”
Sinatia kini nga seksiyon sa jw.org ug pag-download ug mga video, awit, o kalingawán diha sa imong smartphone o tablet. Sa ingon, maandam ka sa paggamit niini sa ministeryo. Dako kaayo nig tabang sa atong pagpaulipon sa Ginoo!—Buh. 20:19.