Gamita ang Bibliya Ingong Salamin

Gikompara sa tinun-ang si Santiago ang Bibliya sa salamin, nga makatabang nato nga makita ang atong tinuod nga pagkatawo. (Sant. 1:22-25) Unsaon nato paggamit sa hustong paagi ang Bibliya ingong salamin?

Ayaw kini dalidaliag basa. Kon igo ra natong pasiplatan ug tan-aw ang atong kaugalingon sa salamin, basin dili nato makita nga naa diay hugaw nga kinahanglang tangtangon. Aron makita nato kon unsay angay natong pauswagon sa atong kaugalingon, kinahanglan natong tutokan pag-ayo ang Pulong sa Diyos. Sa ato pa, basahon nato ni ug hunahunaon pag-ayo.

Pagpokus sa imong kaugalingon imbes sa uban. Kon imong ipatungod sa uban ang salamin, basin ang dili maayo diha nila ang imong makita. Sa samang paagi, basin gamiton nato ang Bibliya aron makita ang mga sayop sa uban. Pero kon ato ning himoon, dili ni makatabang nato nga makita kon unsay angay natong pauswagon.

Mahimong balanse. Kon ang ato rang mga sayop ang atong tan-awon, basin maluya ta. Busa kinahanglang balanse ta dihang magbasa sa Pulong sa Diyos, ug dili ta magdahom ug labaw kay sa gidahom ni Jehova kanato.—Sant. 3:17.