Isulti sa Uban ang Imong Nakat-onan

Ang pagtuon makapalipay nato, pero mas malipay ta kon atong isulti sa uban ang makapalig-on nga mga punto nga atong nakat-onan. Ang Proverbio 11:25 nag-ingon: “Ang nagpalagsik sa uban palagsikon pod.”

Kon atong i-share sa uban ang atong mga nakat-onan, mas dali natong mahinumdoman ang mga punto ug mas molalom ang atong pagsabot. Ug kay makabenepisyo man sila niini, malipay gyod ta nga ato ning gisulti nila.—Buh. 20:35.

Sulayi kini: Sa mosunod nga mga adlaw, pangitag kahigayonan nga i-share sa uban ang imong mga nakat-onan. Puwede nimo ning i-share sa imong pamilya, kakongregasyon, kauban sa trabaho, schoolmate, silingan, o sa imong maestorya diha sa ministeryo. Paningkamoti nga isulti ni sa imong kaugalingong mga pulong sa simple ug tin-aw nga paagi.

Hinumdomi: Isulti sa uban ang imong mga nakat-onan aron palig-onon sila, dili aron magpabilib nila.—1 Cor. 8:1.