2011 Tinuig nga Teksto

‘Dangop sa Ngalan ni Jehova.’—SOFONIAS 3:12.

“Ang tibuok kalalangan duyog nga nagpadayon sa pag-agulo ug anaa sa kasakitan hangtod karon.” (Roma 8:22) Kining mga pulonga matuod gayod. Minilyon ang nabiktima sa inhustisya, pagpanlupig, katalagman, sakit, kakabos, gubat, ug krimen. Kita nga nag-alagad kang Jehova nakasinati usab niini. Dugang pa, kita nakasinatig pagbiaybiay, pagdumot, ug paglutos, sama sa nasinatian ni Jesus.

Bisan pa sa mga problema niining kalibotan ni Satanas, kita wala mawad-ig paglaom. Hinunoa, kita nalipay nga sa dili madugay taposon na ni Jehova ang tanang pag-antos sa yuta. Ang atong paglaom ug pagsalig anaa sa atong Diyos. Oo, kita modangop kang Jehova, kinsa dili gayod mopakyas sa iyang mga maunongon.