Nagkadaghang Problema sa Mental Health sa mga Tin-edyer—Unsay Giingon sa Bibliya?

Niadtong Lunes, Pebrero 13, 2023, ang Centers for Disease Control and Prevention (CDC) sa United States nag-release ug report bahin sa mental health sa mga tin-edyer sa U.S. Kini nag-ingon nga kapig 40 porsiyento sa mga estudyante sa high school ang pirmeng mobatig kaguol ug kawalay-paglaom.

Si Dr. Kathleen Ethier, direktor sa CDC’s Division of Adolescent and School Health (DASH), miingon: “Nakita namo nga migrabe ang problema sa mental health sa mga batan-on sa miaging 10 ka tuig, pero mas migrabe pa gyod karon ang problema sa mental health sa mga tin-edyer nga babaye ug mas daghang tin-edyer nga babaye ang naghunahuna nga maghikog, nagplano sa paghimo niana, o misulay na gyod nga maghikog.”

Ang report nag-ingon:

• Kapig 1 sa 10 ka tin-edyer nga babaye (14 porsiyento) ang gipugos nga makigsekso bisag dili nila gusto. “Makapabalaka gyod ni,” miingon si Dr. Ethier. “Sa matag 10 ka tin-edyer nga babaye nga imong nailhan, labing menos usa nila, ug lagmit mas daghan pa, ang gi-rape.”

• Halos 1 sa 3 ka tin-edyer nga babaye (30 porsiyento) ang seryosong naghunahuna nga maghikog.

• Halos 3 sa 5 ka tin-edyer nga babaye (57 porsiyento) ang pirmeng mobatig kaguol o kawalay-paglaom.

Kini nga mga report makapaguol kaayo. Ang panahon sa pagkabatan-on angay unta nga punog kalipay. Unsay makatabang sa mga tin-edyer aron malamposon nilang maatubang ang mga stress karon? Unsay giingon sa Bibliya?

Ang Bibliya naghatag ug praktikal nga tabang para sa mga tin-edyer

Klarong gihisgotan sa Bibliya ang makapa-stress nga panahon diin ta nagkinabuhi karon. Gitawag ni sa Bibliya ug “kuyaw nga mga panahong lisod sagubangon.” (2 Timoteo 3:1-5) Pero ang Bibliya naghatag pod ug mga tambag nga nakatabang sa minilyong tin-edyer sa tibuok kalibotan sa pag-atubang sa mga kalisdanan. Konsideraha ang mosunod nga binase sa Bibliya nga mga artikulo.

• Naa ba Koy Mahimo kon Dili na Ko Gustong Mabuhi?

• Gusto na Kong Mamatay—Kon Maghunahuna Kog Hikog Makatabang ba Nako ang Bibliya?

• Nganong Angay Kang Magpabiling Buhi?

• Unsay Akong Buhaton Kon Ma-depress Ko?

• Sa Unsang Paagi Malikayan Nako ang Pagkanegatibo?

• Unsaon Nako Pag-atubang ang Kabalaka?

• Unsaon Nako Pagkontrol sa Akong Emosyon?

• Ang Imong Kaguol Mapulihag Kalipay (whiteboard animation)

• Unsay Akong Himoon Kon Ginadaog-daog Ko?

• Unsay Akong Himoon Kon Gina-bully Ko Diha sa Internet?

• Sukli ang Bully nga Dili Makig-away (whiteboard animation)

• Unsay Akong Himoon Kon May Magbinastos Nako?

• Unsay Angay Nakong Mahibaloan Bahin sa Seksuwal nga Pagpang-atake?—Bahin 1: Mga Pahimangno

• Unsay Angay Nakong Mahibaloan Bahin sa Seksuwal nga Pagpang-atake?—Bahin 2: Pagpaayo

Ang Bibliya naghatag ug praktikal nga tambag para sa mga ginikanan

Ang Bibliya naghatag pod ug praktikal nga tambag para sa mga ginikanan aron matabangan nila ang ilang tin-edyer nga mga anak sa pag-atubang sa mga kalisdanan. Konsideraha ang mosunod nga binase sa Bibliya nga mga artikulo.

• Depresyon sa mga Tin-edyer—Ngano? Unsay Makatabang?

• Kon ang Imong Dalagita Tensiyonado

• Unsay Buhaton kon Gina-bully ang Akong Anak?

• Kon ang Imong Anak Magsamad sa Iyang Lawas

• Ang Imong mga Anak ug ang Social Media—Bahin 1: Angay Bang Mogamit ug Social Media ang Akong Anak?

• Ang Imong mga Anak ug ang Social Media—Bahin 2: Tudloi ang Imong Tin-edyer nga Anak sa Hustong Paggamit sa Social Media

• Mga Bata ug Smartphone—Bahin 1: Angay ba Nakong Hatagag Smartphone ang Akong Anak?

• Mga Bata ug Smartphone—Bahin 2: Tudloi ang Imong mga Anak sa Paggamit ug Smartphone sa Maalamong Paagi

• Kon Unsaon Pagpakigsulti sa Imong Anak Bahin sa Sexting