Giyera—Kon Unsay Himoon sa Gingharian sa Diyos

Sa tibuok kalibotan, ang mga giyera padayong nagpahinabog grabeng kadaot, kasakit, ug pag-antos. Matikdi ang mosunod nga mga report:

• “Sa miaging tuig, daghan kaayo ang nangamatay tungod sa giyera, ilabina didto sa Ethiopia ug Ukraine. Kana nga tuig ang kinatas-ag ihap sa nangamatay sa milabayng 28 ka tuig.”—Peace Research Institute Oslo, Hunyo 7, 2023.

• “Ang giyera sa Ukraine maoy usa sa mga away nga migrabe pag-ayo niadtong 2022. Sa tibuok kalibotan, ang mga kagubot ug panag-away tungod sa politika misakag 27% sa miaging tuig, ug gibanabana nga 1.7 ka bilyong tawo ang naapektohan niini.”—The Armed Conflict Location & Event Data Project (ACLED), Pebrero 8, 2023.

Ang Bibliya naghatag ug paglaom. Kini nag-ingon nga “ang Diyos sa langit magtukod ug gingharian nga dili gayod malaglag.” (Daniel 2:44) Ubos niana nga Gingharian, o gobyerno, ‘hunongon [sa Diyos] ang mga gubat sa tibuok yuta.’—Salmo 46:9.