Pag-atiman sa Panglawas—Kon Unsay Himoon sa Gingharian sa Diyos

“Bisag dili na global health emergency ang COVID-19, wala na magpasabot nga dili na ni makapameligro sa panglawas sa tawo. . . . Dihang moabot ang sunod nga pandemic—kay moabot man gyod na—kinahanglang andam ta.”—Dr. Tedros Adhanom Ghebreyesus, director-general sa World Health Organization, Mayo 22, 2023.

Daghang tawo ang padayong nag-antos sa pisikal ug mental tungod sa COVID-19 nga pandemic. Andam kaha ang mga gobyerno ug mga organisasyon sa health care para sa sunod nga pandemic? Masulbad kaha nila ang mga problema sa panglawas karon?

Ang Bibliya nag-ingon nga naay gobyerno nga makasulbad sa tanang problema sa panglawas sa tawo. Atong mabasa nga “ang Diyos sa langit magtukod ug gingharian,” o gobyerno. (Daniel 2:44) Ubos sa pagmando niana nga gobyerno, “walay residente nga moingon: ‘Masakiton ko.’” (Isaias 33:24) Ang tanan maayo nag panglawas ug lagsik, sama nianang sa batan-on.—Job 33:25.