Taposon ni Jesus ang Krimen

Si Jesus nahibalo kon unsa ka lisod mag-antos tungod sa krimen ug inhustisya. Siya giakusahan, gikulata, gihusay, gihukman nga sad-an, ug way kaluoy nga gipatay. Bisag inosente siya, kinabubut-on niyang gisakripisyo ang “iyang kinabuhi ingong lukat baylo sa daghan.” (Mateo 20:28; Juan 15:13) Karon nagmando na siya ingong Hari sa Gingharian sa Diyos, ug sa dili madugay wad-on niya ang inhustisya sa tibuok yuta ug taposon ang tanang krimen hangtod sa hangtod.—Isaias 42:3.

Gihisgotan sa Bibliya kon unsa unyay kahimtang sa kalibotan dihang molihok na si Jesus:

• “Ang daotan mawala na; pangitaon nimo sila sa ilang nahimutangan, apan wala sila didto. Apan ang mga maaghop manag-iya sa yuta, ug mabatonan nila ang tumang kalipay tungod sa dagayang pakigdait.”—Salmo 37:10, 11.

Unsaon nato pagpakita ang atong apresasyon sa tanang gihimo ni Jesus para nato ug sa iya pang himoon sa umaabot? Ang usa ka paagi mao ang pagkat-on ug dugang bahin sa “maayong balita sa Gingharian sa Diyos,” nga maoy gisangyaw ni Jesus. (Lucas 4:43) Basaha ang artikulong “Unsa ang Gingharian sa Diyos?”