Ang Diyos ba Trinidad?

Tubag sa Bibliya

Daghang Kristohanong relihiyon nagtudlo nga ang Diyos maoy Trinidad. Apan, matikdi kon unsay giingon sa Encyclopædia Britannica: “Ang pulong Trinidad ug ang pagtulon-an bahin niini dili gayod makita diha sa Bag-ong Tugon . . . Ang doktrina inanayng miyuhot sulod sa kasiglohan ug miagig daghang kontrobersiya.”

Sa pagkatinuod, ang Diyos diha sa Bibliya wala gayod ipaila nga bahin sa Trinidad. Matikdi kining mga tekstoha:

“Si Jehova nga atong Diyos maoy usa lamang ka Jehova.”—Deuteronomio 6:4.

“Ikaw, kansang ngalan mao si Jehova, ikaw lamang ang Labing Hataas ibabaw sa tibuok nga yuta.”—Salmo 83:18.

“Kini nagkahulogan ug kinabuhing walay kataposan, ang ilang pagkuha ug kahibalo bahin kanimo, ang bugtong matuod nga Diyos, ug sa usa nga imong gipadala, si Jesu-Kristo.”—Juan 17:3.

“Ang Diyos usa lamang.”—Galacia 3:20.

Nganong ang kadaghanang Kristohanong relihiyon nagtudlo nga ang Diyos maoy Trinidad?