Si Jesus ba ang Labing Gamhanan nga Diyos?

Tubag sa Bibliya

Ang mga kaaway ni Jesus nag-akusar kaniya nga nakigtupong sa Diyos. (Juan 5:18; 10:30-33) Apan si Jesus wala gayod moingon nga siya katupong sa Labing Gamhanan nga Diyos. Matod niya: “Ang Amahan labaw pa kay kanako.”—Juan 14:28.

Ang mga tinun-an ni Jesus wala mag-isip kaniya nga katupong sa Labing Gamhanan nga Diyos. Pananglitan, si apostol Pablo misulat nga human mabanhaw si Jesus, ang Diyos “nagbayaw kaniya [kang Jesus] ngadto sa usa ka labaw nga katungdanan.” Dayag nga si Pablo wala magtuo nga si Jesus mao ang Labing Gamhanan nga Diyos. Kay kon mao pa, unsaon man sa Diyos pagbayaw kang Jesus ngadto sa usa ka labaw nga katungdanan?—Filipos 2:9.