DALAN SA HARI

Ang dalan diin ang mga Israelinhon misaad nga dili motipas kon tugotan nga moagi latas sa Edomhanong teritoryo ug sa Amorihanong gingharian ni Haring Sihon. (Num 20:17; 21:​21, 22; Deu 2:​26, 27) Kini nga dalan lagmit nga naggikan sa Gulpo sa ʽAqaba hangtod sa Jabok, tingali ang A nga utlanan sa teritoryo ni Sihon, ug daghan ang nagtuo nga kini miabot pa sa A sa Damasco ug sa katibuk-an susama sa binakbakan nga Romanhong dalan nga gihimo ni Emperador Trajan niadtong ikaduhang siglo K.P. Gawas sa mga kausabang gihimo alang sa modernong trapiko, ang presenteng-adlaw nga dalan nga gitawag ug Tariq es-Sultan(i) maoy susama kaayo sa karaang Romanhong dalan, nga ang mga bahin niini naglungtad pa.

Mopatim-aw nga ang amihanang bahin niining dalana gikan sa Hesbon paingon sa Astarot mao ang gitawag ug “dalan sa Basan.”​—Num 21:33; Deu 3:1.