DABERAT

[Sibsibanan].

Usa ka siyudad nga gihisgotan diha sa talaan sa mga utlanan sa Zabulon (Jos 19:​10, 12) apan giisip nga iya sa silingang tribo ni Isacar sa dihang sa ulahi kini gihatag uban ang sibsibanan niini ngadto sa mga Levihanon sa banay ni Gerson (Gersom). (Jos 21:​27, 28; 1Cr 6:​71, 72) Ang Daberat wala ilakip diha sa talaan sa mga dapit nga gipahat ngadto kang Isacar, apan daghan sa mga geograpo ang naghunahuna nga kini lagmit mao ang Rabit sa Josue 19:​20, usa ka ideya nga gipaluyohan sa Vatican Manuscript Num. 1209.​—Tan-awa ang RABIT.

Ang Daberat gituohan karon nga mao ang mga kagun-oban sa Khirbet Dabura (Horvat Devora), duol sa balangay sa Dabburiya diha sa AK nga daplin sa Bukid sa Tabor.