LEKSIYON 02
Ang Bibliya Naghatag ug Paglaom
Ang mga tawo sa tibuok kalibotan naay mga problema mao nga sila maguol, mabalaka, ug masakitan pa gani. Mibati na ba ka ana sukad? Tingali nag-antos ka tungod sa sakit o tungod kay namatyan kag minahal. Tingali maghunahuna ka, ‘Moarang-arang pa ba ang akong kinabuhi?’ Ang Bibliya naghatag ug makapahupay nga tubag niana nga pangutana.
1. Unsang paglaom ang gihatag sa Bibliya?
Ang Bibliya wala lang magsulti kon nganong punog problema ang kalibotan pero nagsulti pod ni ug maayong balita nga kini nga mga problema temporaryo lang ug hapit nang wad-on. Ang mga saad sa Bibliya makahatag nimog “maayong kaugmaon ug paglaom.” (Basaha ang Jeremias 29:11, 12.) Kana nga mga saad makatabang nato nga makaya ang atong mga problema karon, makabaton ug positibong hunahuna, ug magmalipayon hangtod sa hangtod.
2. Unsa nga kaugmaon ang gisaad sa Bibliya?
Ang Bibliya nagsaad nga sa umaabot “ang kamatayon mawala na, ug wala na unyay pagbangotan, pagtiyabaw, ug kasakit.” (Basaha ang Pinadayag 21:4.) Ang mga problema nga nagpaantos nato karon—parehas sa kapobrehon, inhustisya, sakit, ug kamatayon—mawala na unya. Ang Bibliya nagsaad nga ang mga tawo mabuhi nga malipayon sa Paraiso sa yuta hangtod sa hangtod.
3. Unsaon nimo pagpalig-on ang imong pagsalig sa paglaom nga gihatag sa Bibliya?
Daghang tawo ang naglaom nga naa untay mahitabong maayong mga butang, pero dili nila maseguro nga mahitabo ang ilang gilaoman. Ang mga saad sa Bibliya dili ingon ana. Mapalig-on nato ang atong pagsalig sa Bibliya pinaagi sa ‘pagsusi pag-ayo sa Balaang Kasulatan.’ (Buhat 17:11) Dihang magtuon kag Bibliya, makita nimo kon katuohan ba ang giingon niini bahin sa umaabot.
TUN-IG DUGANG
Sayra ang pipila ka kahimtang nga gisaad sa Bibliya nga mahitabo sa umaabot. Tan-awa kon sa unsang paagi ang paglaom nga gihatag sa Bibliya makatabang sa mga tawo karon.
4. Ang Bibliya naghatag ug paglaom nga mabuhi ta sa walay kataposan nga wala nay pag-antos
Tan-awa ang mosunod nga mga saad sa Bibliya. Asa ana ang ganahan kaayo nimo? Nganong mao nay imong ganahan?
Basaha ang mga teksto nga naa sumpay sa mga saad, ug hisgoti kini nga mga pangutana:
Para nimo, makahatag bag paglaom ni nga mga teksto? Makahatag ba nig paglaom sa imong pamilya ug mga higala?
Imadyina ang kalibotan nga:
WALA NAY . . . |
ANG TANAN . . . |
|---|---|
|
|
|
|
|
|
|
|
|
|
5. Ang paglaom nga gihatag sa Bibliya makabag-o sa kinabuhi
Daghan ang naluya o nasuko pa gani tungod sa mga problema nga ilang nakita sa palibot. Ang uban naningkamot pag-ayo aron moarang-arang ang kahimtang. Tan-awa kon sa unsang paagi ang nindot nga saad sa Bibliya makatabang sa mga tawo karon. I-play ang VIDEO, ug dayon hisgoti ang mosunod nga mga pangutana:
Sa video, unsang inhustisya ang nakahasol kang Rafika?
Bisag ang inhustisya nga iyang nakita wala mawala, sa unsang paagi ang Bibliya nakatabang niya?
Ang paglaom nga gihatag sa Bibliya para sa umaabot makatabang nga makaya nato ang mga problema ug dili sobrang maluya. Basaha ang Proverbio 17:22 ug Roma 12:12, ug dayon hisgoti kini nga mga pangutana:
Para nimo, ang paglaom ba nga gihatag sa Bibliya makabag-o sa imong kinabuhi karon? Ngano man?
ANG UBAN MOINGON: “Morag di man katuohan ang mga saad sa Bibliya bahin sa umaabot.”
Ngano kahang importante nga susihon nimo ang mga ebidensiya nga matuman ang mga saad sa Bibliya?
SUMARYO
Ang Bibliya naghatag natog paglaom ug nagtabang nato sa pag-atubang sa mga kalisdanan pinaagi sa pagsaad ug malipayon kaayong kaugmaon.
Review
Nganong ang mga tawo nagkinahanglan ug paglaom?
Unsay giingon sa Bibliya bahin sa umaabot?
Sa unsang paagi ang paglaom sa umaabot makatabang nimo karon?
SUSIHA
Sayra kon sa unsang paagi ang paglaom makatabang nimo dihang naa kay mga problema.
“Paglaom—Asa Nimo Makaplagan Kini?” (Pagmata!, Abril 22, 2004)
Sayra kon sa unsang paagi ang paglaom sa umaabot makatabang niadtong naay grabeng sakit.
“Kon May Laygay nga Sakit—Makatabang ba ang Bibliya?” (Web article)
Dihang magtan-aw ka niini nga music video, imadyina ang imong kaugalingon ug ang imong pamilya nga malipayong nagpuyo sa gisaad sa Bibliya nga Paraiso.
Basaha kon sa unsang paagi nausab ang kinabuhi sa usa ka aktibista dihang iyang nakat-onan ang paglaom nga gisaad sa Bibliya para sa umaabot.
“Wala Na Ko Magtinguha nga Bag-ohon ang Kalibotan” (Ang Bantayanang Torre, Hulyo 1, 2013)