Mga Hitabo sa Dayon Na ang Kamatayon ni Kristo

ANG mga hitabo sa dayon na ang kamatayon ni Jesus nahitabo sa sulod ug sa palibot sa Jerusalem. Dinhi ang Anak sa Diyos gipresentar ngadto niini nga nasod ingong Hari niini. Samtang nagsingabot siya sa siyudad, usa ka panon sa mga tinun-an ang naninggit: “Bulahan ang Usa nga nagaanhi ingon nga Hari sa ngalan ni Jehova!” (Luc 19:​37, 38) Apan ang relihiyosong mga pangulo sa nasod nagsalikway kaniya ug bakak nga nag-akusar kaniya nga nagsugnib sa katawhan sa pag-alsa. Sa dihang ang Romanong gobernador nga si Poncio Pilato prangkang nangutana kang Jesus kon siya ba usa ka hari, si Jesus mitubag: “Ang akong gingharian dili bahin niining kalibotana.” (Hulagway sa ubos) Sa dihang gipresentar ni Pilato si Jesus ngadto sa mga Hudiyo, nga nag-ingon: “Tan-awa! Ang inyong hari!” ang pangulong mga saserdote mitubag: “Kami walay hari gawas kang Cesar.”​—Ju 18:33-38; 19:​14, 15.