Mga Droga, Espiritismo, ug ang Bibliya

Gipasidan-an ni apostol Pablo ang unang-siglong mga Kristohanon batok sa “buhat nga espiritismo.” (Galacia 5:20) Ang Gregong pulong nga gigamit dinhi ni Pablo, phar·ma·kiʹa, sa literal nagkahulogang “ang paggamit ug mga droga.” “Sanglit ang mga balbal ug mga barangan nagagamit man ug mga droga,” matud pa sa The Interpreter’s Bible, “ang pulong sa ulahi nagpaila sa pamalbal, paglumay, pamarang, ug madyik.”

Dili ikatingala, ang mga droga adunay bahin sa modernong-adlawng espiritismo. Pananglitan, ang alkohol ug mga droga gikataho nga gigamit sa pagpasulod ug bag-ong mga membro diha sa satanikong mga kulto. Ginaingon usab nga ang mga droga mahimong gamiton sa paghimo sa biktima nga mas masinundanon sa pagtuman sa mga tahas panahon sa satanikong mga seremonyas. Bisan unsay kahimtang, si Pedro misulat nga ang Yawa “nagasuroysuroy sama sa usa ka leon nga nagangulob, nga nagapangita ug usa nga matukob.” (1 Pedro 5:8) Ang Gregong pulong ka·ta·piʹno, nga gihubad nga “tukob,” nga sa mahulagwayon nagkahulogang “paglamoy,” o “pagpildi.” Mao gayod kanay ginahimo sa mga droga ug espiritismo. Kini nagahatag sa mga Kristohanon ug kusganon nga katarongan sa paglikay sa bisan unsang matang sa pag-abuso sa droga.​—Itandi ang 2 Corinto 4:4.