Magdinasigay sa Usag Usa

1. Samtang magdinasigay kita

Sa pag-unong kang Jehova,

Ang gugma ta mas molig-on pa,

Ug kita magkahiusa.

Ang gugma sa katawhan sa Diyos

Nakadasig sa pag-antos.

Atong kongregasyon dangpanan,

Ug malig-ong salipdanan.

2. Ang mga pulong sa paghupay

Sa atong mga igsoon,

Pagkatam-is gyod paminawon

Sa nahiangayng panahon.

Tabangan tang mga igsoon,

Pagpas-an sa mga lulan.

Ato gyod silang palig-onon

Aron ta magmalipayon.

3. Dayag nato kining nasabtan

Nga duol nang kataposan.

Kita manambong gyod sa tigom

Aron pagtuo molig-on.

Ingong nahiusang katawhan,

Padayon tang mag-alagad.

Matag usa atong dasigon

Aron ta magmaunongon.