Awit 91
Natudloan ni Jehova
1. Si Jehova nagpadala
Sa kamatuoran niya.
Sa karnero nag-agak siya,
Magbalantay siya nila.
Panahon na nga tun-an ta,
Ilhon nga Supremo siya.
Sa gugma siya nagatagana sa aghop ug giya.
Ang Maestro Jesu-Kristo
Sa tanan kinalabwan.
Nagtuman siya sa Amahan,
Wali niya Gingharian.
Sama siya sa himungaan,
Sa gugma tawo tabangan.
Karon iyang gitudloan
Silang karnero nga tanan.
2. Nagahatag si Jehova
Sa mga magbalantay
Nga may edukadong dila,
Maalam, tarong, hapsay.
Ang lapoy tabangan nila,
Badlonganon tambagan.
Sa matarong nagtudlo sila sa kamatuoran.
Ni Jehova gitudloan,
Sa Anak dumalahan,
Tagsaon nga kaayohan
Ang atong nabatonan.
Kon may pagbati ta nila,
Nga sa matuod may gugma,
Magwali, tun-an ta sila
Ug sila sa Diyos magsimba.
3. “Umari ka kang Jehova,”
Amo kang imbitahon.
Dunay buluhaton karon,
Kaluwasan ang dad-on.
Balita sa Gingharian
Dad-on ta sa katawhan
Ngadto sa tanang kayutaan, tribo, kanasoran.
Sa tanan kinahanglanon
Pagtuo pauswagon,
Nunot sa kamatuoran,
Duyog sa Gingharian.
Di madugay sa Milenyo,
Ang binanhaw makatuon
Ug sa dominyo ni Kristo
Ang kinabuhi maangkon.