Awit 215
Pagtunol sa Kaluoy sa Uban
1. Gibaod ni Jehova sa una,
Lunop molaglag sa daotan.
Gisugo si Noe: ‘Arka buhata!
Magwali, sayran mong katawhan!’
Nan, karon si Noe midumili ba
Kay wa pa kabuhat ug arka?
Wa, gitamod hinuon ang Diyos niya.
Siya nagtukod ug nagwali pa.
2. Talitapos ang daang sistema,
Sa kaluoy nagbaod ang Diyos
Nga ang kataposan iwali na,
Ang but-an mosanong sa bug-os.
Mobalibad ka ba sa pagwali
Kay di binansay sa pagsulti?
Kon sa Diyos ikaw gikaluy-an na,
Buligan ka niya sa pagwali.
3. Ang kaluoy, ang kamatuoran,
Ug kasadya naa sa yuta.
Pasiuna ni sa Gingharian,
Sa panalangin ni Jehova.
Busa sa uban kita maluoy,
Tanang katawhan maymayan ta:
‘Lihok na! ug magpahinungod na
Kay ang Gingharian nia na.’