Sulti Maylabot Kang Jehova sa Matag Adlaw

¹ Ang mga tawo malipay makigsulti bahin sa bisan unsang suod sa ilang kasingkasing kay gikan sa kadagaya sa kasingkasing ang baba nagasulti. (Luc. 6:45b) Unsay suod sa atong kasingkasing? Ang salmista misulat: “Tugoting ang akong kaugalingong dila sa ubos nga tingog magasulti sa imong pagkamatarong, sa tibuok adlaw sa imong pagdayeg.” (Sal. 35:28) Siya aduna ing dulot nga pagpabili alang kang Jehova ug nag-isip nianang tinuod nga pribilehiyo sa pagsulti bahin sa Diyos ug sa pagdayeg Kaniya sa matag okasyon. Tungod kay suod nga nasinati kang Jehova, dihay daghang maayong butang nga ikalipay ang salmista. (Sal. 35:9) Sa unsang paagi atong masundog ang iyang maayong panig-ingnan?

² Sulti Bahin Kang Jehova Biha sa Inyong Panimalay: Si Jehova angay nga mao ang matag adlaw nga ulohan sa panaghisgot sulod sa sirkulo sa pamilya. Ang mga ginikanan nga adunay kusganong gugma alang kang Jehova kinaiyanhong mosulti bahin kaniya diha sa tanan nilang mga buluhaton. (Deut. 6:5-7) Samtang ilang buhaton kana, ang mga bata makamatikod nga ang ilang amahan ug inahan nagakinabuhi pinaagi sa pagtuo ug nagakalipay sa balaod sa Diyos. Dayon ang mga bata maglantaw sa pagtuon sa Bibliya sa pamilya ingong tiunay nga kapahayagan sa diyosnong debosyon sa ilang mga ginikanan.​—2 Ped. 3:11.

³ Sulti Bahin Kang Jehova Buyog sa Inyong mga Igsoon: Sulod sa atong senemanang teokratikanhong rutina, aduna kita ing daghang kahigayonan sa pagpakaon sa atong mga hunahuna ug mga kasingkasing sa espirituwal nga pagkaon. Wala gayod kita makulangi ug maayong mga butang nga ikasugilon. (Luc. 6:45a) Duna bay punto nga imong nahagdaw gikan sa imong personal nga pagtuon o senemanang pagbasa sa Bibliya nga imo gayong gikalipayan? Ipaambit kana sa imong mga igsoon, nga sa ingon magtabang kanila sa pagpalambo sa ilang gugma kang Jehova.​—Sal. 35:18; Heb. 10:24.

⁴ Sulti Bahin Kang Jehova Ngabto sa Uban: Sa atong inadlaw-adlaw nga mga pakiglabot sa mga tawo​—sa trabahoan, sa tunghaan, ug uban sa di-magtutuong mga membro sa pamilya​—angayng makita dayon nga ang atong sentro sa kinabuhi mao ang pagpamatuod bahin kang Jehova​—itandi ang Juan 18:37. Inay kay mahugawan sa maot ug barot nga mga pulong sa kalibotan, ang atong sinultihan angayng magbayaw sa Diyos. Sa adlaw-adlaw, sa matag higayon, sulti ngadto sa uban bahin sa maayong balita nga iyang gisugo kanato nga isangyaw.​—Buh. 5:42; Col. 4:6.

⁵ Ingong matuod nga mga magsisimba ni Jehova, hinaot nga sa matag adlaw atong sakmiton ang mga okasyon sa pagsulti maylabot sa atong walay-ikatandi nga Diyos, si Jehova.​—Sal. 106:47.