Ikaw Gihandom!

¹ Sa popanahon kita tingali dili makatambong sa usa o mas pang mga tigom sa kongregasyon, nga mobating ‘walay maghandom kanako; dili gani sila makamatikod nga wala ako didto.’ Dili kana tinuod! Sama sa bisan unsang bahin sa atong pisikal nga lawas, ang matag usa kanato nagadulag hinungdanong papel sa pagpalihok sa kongregasyon. (1 Cor. 12:12) Ang atong pagpalta sa usa ka tigom sa semana makaapektar sa espirituwal nga kaayohan sa uban nga nagatambong. Kon wala ka didto, magmasaligon​—ikaw gihandom!

² Ang Hinungbanong Papel nga Imong Gibula: Gipangandoy ni Pablo ang pagpakig-uban sa iyang mga igsoon. Ang Roma 1:11, 12 nagasaysay kon ngano: “Aron ako makahatag kaninyog espirituwal nga gasa . . . nga aduna untay pagdinasigay taliwala kaninyo, sa matag usa pinaagi sa pagtuo sa lain, sa inyoha ug sa akoa.” Sa susama, pinaagi sa atong mga komento, sa atong mga bahin sa tigom, ug sa ato mismong presensiya, dako ang atong mahimo sa paglig-on sa usag usa sa pagpadayon diha sa matinumanong dalan.​—1 Tes. 5:11.

³ Wala ka ba mangandoy sa pagpakigkita sa uban diha sa mga tigom sa kongregasyon? Paminawig maayo ang ilang mga komento ug pabilhi ang ilang mga pahayag sa pagtuo. Ang ilang espirituwal nga mga gasa makadugang sa pagpalig-on kanimo. Kon sila wala sa tigom, bation mong may butang bililhon nga nawala. Ang imong mga igsoong lalaki ug babaye mobati sa sama bahin kanimo kon dili ka makatambong.

⁴ Ang Hinungbanong Papel nga Gibula sa mga Tigom: Ang Bantayanang Torre makausa mikomento kon unsa ka hinungdanon ang mga tigom alang sa atong espirituwal nga paglahutay sa pag-ingon: “Niining gigusbat-sa-panag-away, imoral nga kalibotan, ang Kristohanong kongregasyon maoy usa ka tinuod espirituwal nga dangpanan . . . , maoy dapit sa pakigdait ug gugma. Busa, paneguroa nga mahimo kang regular nga tigtambongan sa tanang mga tigom niini.” (w93 8/15 11) Matag adlaw, kita giatubang sa mga kahimtang nga magpaluya kanato sa espirituwal. Kon dili kita mag-amping, masuhop kita pag-ayo sa atong kaugalingong mga kabalaka nga hayan magpasimang kanato sa mas importanteng espirituwal nga mga kabalaka. Kitang tanan nagasaliganay sa usag usa alang sa pagdasig nga atong gikinahanglan aron magpabiling mahiusa ug masiboton diha sa pag-alagad sa Diyos.​—Heb. 10:24, 25.

⁵ Hinungdanon ang atong pagtambong sa mga tigom. Ang balatian o wala-damhang panghitabo mahimong magpugong usahay kanato sa pagtambong. Gawas niana, hinaot nga magmadeterminado kita kanunay nga maihap taliwala sa natigom nga mga katilingban kinsa duyog nga nagadayeg kang Jehova!​—Sal. 26:12.