Mga Tigom sa Pag-alagad Alang sa Disyembre
MATIKDI: Ang Atong Ministeryo sa Gingharian mag-eskedyul ug usa ka Tigom sa Pag-alagad sa matag semana sulod sa Disyembre ug Enero. Ang mga kongregasyon hayan maghimo ug mga pagpasibo segun sa gikinahanglan aron makatambong sa “Pagtuo sa Pulong sa Diyos” Distritong Kombensiyon ug dayon sa 30-minutong pagsubli sa dagkong mga puntos sa programa diha sa Tigom sa Pag-alagad sa pagkasunod semana. Ang adlaw-adlaw nga pagsubli sa programa sa distritong kombensiyon angay itudlo nga abante ngadto sa duha o tulo ka kuwalipikadong mga igsoong lalaki kinsa makahimo sa pagpunting sa dagkong mga puntos. Kining inandam pag-ayong pagsubli makatabang sa kongregasyon sa paghinumdom sa pangunang mga puntos alang sa personal nga pagpadapat ug paggamit diha sa kanataran. Ang mga komento gikan sa mamiminaw ug mga kasinatiang gipahayag angayng mubo ug pintok.
Semana sa Disyembre 1-7
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Sulti Maylabot Kang Jehova sa Matag Adlaw.” Pangutanag tubag. Sa dihang magkobre sa parapo 4, ilakip ang mga komento gikan sa Giya sa Tunghaan, tun-anan 16, mga parapo 14-16.
20 min: “Ang Bibliya—Giya sa Diyos Alang sa Tanang Katawhan.” Ansiyano maghisgot sa artikulo uban ang mga rason kon nganong ang matag usa angayng madasig sa pagsusi sa Bibliya. Sa mubo interbiyoha ang duha ka magmamantala kon sa unsang paagi sila nangandam sa paggamit sa sinugyot nga mga presentasyon diha sa mga parapo 3, 5, ug 7. Ipasundayag ang usa niini alang sa unang pagduaw ug ang usa alang sa pagbalikduaw.
Awit 165 ug paniklop nga pag-ampo.
Semana sa Disyembre 8-14
10 min: Lokal nga mga pahibalo. Taho sa kuwenta.
20 min: Nganong Itaho Kon Unsay Daotan? Pakigpulong pinaagig ansiyano pinasukad sa Agosto 15, 1997, Bantayanang Torre, mga panid 26-30.
15 min: “Ikaw Gihandom!” Panaghisgot sa mamiminaw nga gidumalag ansiyano. Hisgoti ang mga aberids sa pagtambong sa tigom sa kongregasyon. Dapita ang pipila sa paghisgot sa mga rason kon nganong sila nahupayan pinaagi sa pagpakigduyog diha sa mga tigom.
Awit 172 ug paniklop nga pag-ampo.
Semana sa Disyembre 15-21
15 min: Lokal nga mga pahibalo. Itanyag ang mga sugyot kon unsaon pagsanong nga mataktikanhon sa mga timbaya sa kalibotanong mga pangilin. Tagika ang linaing mga kahikayan sa pag-alagad sa kanataran alang sa Disyembre 25 ug Enero 1. Sublia ang “Bag-ong Programa sa Sirkitong Asembliya.” Tan-awa ang panid 4.
10 min: Lokal nga mga panginahanglan.
20 min: “Kinahanglan Kitang Mahimong mga Magtutudlo, Dili Lamang mga Magsasangyaw.” Pangutanag tubag. Sa dihang magkobre sa parapo 11, basaha ang Giya sa Tunghaan, tun-anan 15, parapo 11.
Awit 174 ug paniklop nga pag-ampo.
Semana sa Disyembre 22-28
8 min: Lokal nga mga pahibalo.
17 min: “Ang Tunghaan sa Teokratikanhong Ministeryo sa 1998.” Pakigpulong sa magtatan-aw sa tunghaan. Sublia ang mga paagi nga makabenepisyo ang tanan sa mas bug-os pa gikan sa tunghaan sulod sa umaabot nga tuig. Idasig ang pagsunod sa bag-ong “Eskedyul sa Suplemental nga Pagbasa sa Bibliya” sa matag semana.
20 min: Isangyaw ang Maayong Balita Bisan Diin. Panaghisgot sa mamiminaw sa Atong Ministeryo nga libro, mga panid 92-7, ginamit kining mga pangutanaha: (1) Nganong ang paggamit sa atong literatura epektibo sa pagpakaylap sa maayong balita? Nganong ato gayong itanyag ang literatura sa matag higayon? Nganong importanteng hisgotan ang kahikayan sa pag-amot? (2) Nganong angay kitang magmahunahunaon sa pagbuhat sa di-pormal nga pagsangyaw? Unsa ang pipila ka paagi sa pagpamatuod nga di-pormal? (Dapita ang pipila sa pag-asoy ug mga kasinatian sa pagpamatuod nga di-pormal.) (3) Nganong angayng maningkamot ang kongregasyon nga makobrehag maayo ang natudlo niining teritoryo? Diin daghan ang teritoryo, unsay bentaha sa pagbaton ug personal nga teritoryo? (4) Sa unsang paagi kita makabenepisyo gikan sa mga kahikayan sa grupo nga pagsangyaw? Unsaon nato pagplano ang atong kalihokan sa pagsangyaw sa pagtino nga atong magamit sa labing maayo ang atong panahon?
Awit 222 ug paniklop nga pag-ampo.
Semana sa Dis. 29–Ene. 4
10 min: Lokal nga mga pahibalo. Pahinumdomi ang tanan sa pagtunol sa ilang mga taho sa pag-alagad sa kanataran.
15 min: Sublia ang Tanyag nga Literatura sa Enero. Ipakita ang daandaang mga libro nga ang kongregasyon aduna pay igoigong suplay, ug hisgoti ang makapainteres nga mga puntong igsusulti nga makatabang sa pagpangandam sa mga presentasyon. Ilakip ang usa ka pasundayag. Kinahanglang mopadayon kita sa atong mga paningkamot sa pagsugod ug mga pagtuon sa Gikinahanglan nga brosyur o sa Kahibalo nga libro.
20 min: “Kon sa Unsang Paagi Mahuptan ang Kangaya Diha sa Bug-os-Panahong Pag-alagad.” Pakigpulong pinaagig ansiyano pinasukad sa artikulo sa Septiyembre 15, 1997 nga Bantayanang Torre, mga panid 21-24.
Awit 215 ug paniklop nga pag-ampo.