TUN-ANAN 2

Pagkanatural

2 Corinto 2:17

SUMARYO: Sulti sa natural ug sinserong paagi nga magpakita kon unsay imong gibati bahin sa topiko ug sa imong mamiminaw.

Pag-ampo ug pangandam pag-ayo. Iampo nga makapokus ka sa imong mensahe, dili sa imong kaugalingon. Seguroa kon unsang mga puntoha ang imong ipasiugda. Ayaw lang basta isulti ang mga pulong nga naa sa outline; isulti kini sa kaugalingon nimong mga pulong.

Kon mobasa kag Bibliya o ubang publikasyon, praktisi ni aron maayo ang imong pagkabasa. Kon gikutlo ang giingon sa mga tawo, butangig kinabuhi ang imong pagbasa niini, pero ayaw lag pasobrahi.
Sulti sa sinserong paagi. Hunahunaa kon nganong kinahanglang madungog sa imong mamiminaw ang mensahe. Pagpokus nila. Dayon ang imong linihokan, pagkompas, ug ekspresyon sa nawong magpakita nga sinsero ka ug mahigalaon.

Ang pagkanatural lahi sa inato ra kaayo. Gamita ang klaro ug husto nga mga pulong aron mamentinar ang dignidad sa imong mensahe.
Tan-aw sa mamiminaw. Kon okey ra sa inyong kultura, tan-awa sa mata ang imong mamiminaw. Dihang magpakigpulong, tan-aw usahay sa mga indibiduwal imbes motan-aw sa mga mamiminaw ingong grupo.