AWIT 43
Pag-ampo sa Pagpasalamat
Giimprenta nga Edisyon
1. Diyos nga Jehova, pasalamatan ka,
Among pag-ampo, Oh paminawa.
Bug-os ang among pagsalig kanimo,
Oh Tigpatalinghog sa pag-ampo.
Mangayo unta mig kapasayloan
Sa tanan namo nga kasal-anan.
Mapasalamaton gyod mi kanimo
Nga sa lukat kami gipasaylo.
2. Salamat Jehova sa imong gugma,
Nga kanamo ka may kahingawa.
Oh Diyos, tudloi mi bahin kanimo,
Magmaunongon gyod mi kanimo.
Salamat sa balaang espiritu,
May kaisog na kaming manudlo.
Mag-alagad mi nga mapaubsanon,
Malipayon, mapasalamaton.
(Tan-awa usab ang Sal. 65:2, 4, 11; Filip. 4:6.)