Modulasyon

Proverbio 8:4, 7

SUMARYO: Tin-awng ipasabot ang mga ideya ug pukawa ang emosyon sa mamiminaw pinaagi sa pag-usab-usab sa gikusgon ug tono sa imong tingog ug sa kapaspason sa imong pagsulti.

KON UNSAON PAGHIMO:

• Usab-usaba ang gikusgon sa imong tingog. Pakusgi ang imong tingog aron mapasiugda ang pangunang mga punto ug madasig ang imong mamiminaw. Himoa sab kini dihang magbasag mga mensahe sa paghukom diha sa Bibliya. Pahinayi ang imong tingog aron mahinam ang mamiminaw kon unsay sunod mahitabo o dihang magpasiugdag kahadlok o kabalaka.

• Usab-usaba ang imong tono. Kon haom sa imong pinulongan, patas-i ang imong tono kon magpasiugdag kadasig o maghisgot ug gidak-on o gilay-on. Ipaubos ang imong tono kon magpahayag ug kaguol o kabalaka.

• Usab-usaba ang kapaspason sa pagsulti. Aron mahinam ang imong mamiminaw, paspasi ang imong pagsulti. Dihang maghisgot ug importanteng mga punto, hinayhinaya ang imong pagsulti.