Epektibong Konklusyon

Ecclesiastes 12:13, 14

SUMARYO: Sa imong konklusyon, dasiga ang imong mamiminaw nga dawaton ug ipadapat ang ilang nakat-onan.

KON UNSAON PAGHIMO:

• Ibase ang imong konklusyon sa imong katibuk-ang topiko. Isulti pag-usab ang imong pangunang mga punto ug tema o isulti kini sa laing paagi.

• Dasiga ang imong mamiminaw. Ipakita sa mamiminaw kon unsay angayng buhaton, ug paghatag ug maayong mga rason kon nganong himoon kini. Kinahanglang makita sa imong mamiminaw nga kombinsido ka sa imong gisulti ug nga importante kini.

• Himoang simple ug mubo ang imong konklusyon. Ayaw paghisgot ug bag-ong pangunang mga punto. Pinaagig pipila ka pulong, dasiga ang imong mamiminaw nga ipadapat ang ilang nakat-onan.