KAHON SA IMPORMASYON 20A

Ang Pagbahinbahin sa Yuta

Ang giingon bahin sa eksaktong pagkasukod nga mga utlanan nagpasalig sa mga destiyero nga ipasig-uli gyod ang ilang minahal nga yuta. Unsang mga leksiyon ang atong makat-onan niini nga panan-awon? Matikdi ang duha ka bahin sa panan-awon:

Mapa nga nagpakita sa mga utlanan sa gibahinbahin nga yuta sa namalik nga mga destiyero, sumala sa narekord sa Ezequiel. Ang mga bahin sa tribo parehas ug sukod gikan sa amihanan ngadto sa habagatan sugod sa Dan ngadto sa Aser, Neptali, Manases, Epraim, Ruben, Juda, Ang Amot (luna sa administrasyon), Benjamin, Simeon, Isacar, Zabulon, ug Gad.

Seguradong lugar ug bililhong asaynment

Ang matag usa sa namalik nga mga destiyero makadawat ug panulondon sa napasig-uling Yutang Saad. Karon sab, ang espirituwal nga paraiso dunay lugar para sa tanang alagad ni Jehova. Bisan unsa pa ka gamay ang atong papel sa organisasyon, duna gyod tay lugar ug bililhong asaynment sa espirituwal nga yuta. Para kang Jehova, ang tanan niyang alagad parehas nga bililhon.

Parehas nga bahin

Sa panan-awon ni Ezequiel, ang matag teritoryo sa napasig-uling Yutang Saad naghatag sa mga molupyo niini ug patas nga kahigayonan nga makapahimulos sa daghan kaayong abot sa yuta. Karon sab, gihatagan ni Jehova ang tanan niyang alagad ug patas nga kahigayonan nga makapahimulos sa mga panalangin sa espirituwal nga paraiso.

Balik sa kapitulo 20, parapo 5-11