JAZEIAS

[Hinaot si Jah Makakita; Si Jah Nakakita].

Tingali usa sa misupak sa sugyot ni Esdras nga papahawaon sa mga anak nga lalaki sa Israel ang ilang langyawng mga asawa ug mga anak nga nangatawo kanila; anak nga lalaki ni Tikva. (Esd 10:​3, 10, 11, 15) Apan gituohan nga kining pagsupak ni Jazeias ug Jonatan maoy dili batok sa sugyot ni Esdras kondili batok sa gidawat nga pamaagi sa pagpatuman niini. Sumala sa Gregong Septuagint ug sa Latin nga Vulgate, si Jazeias ug ang uban pa mipaluyo inay nga misupak kang Esdras. Busa, ang usa ka kapuling hubad sa Esdras 10:15 nag-ingon nga si Jonatan ug Jazeias “mao ang milihok ingong mga hawas labot niini.”​—Ftn sa Rbi8; tan-awa usab ang KJ; ftn sa AS; Dy; Kx.