ZEPAT

[lagmit gikan sa lintunganayng pulong nga nagkahulogang “padayon sa pagbantay”].

Usa ka harianong siyudad sa Canaan sa habagatang bahin sa teritoryo sa Juda, lagmit sa H sa Arad, nga nailog sa nagtingob nga kasundalohan sa Juda ug Simeon. (Huk 1:​16, 17; itandi ang Jos 15:30; 19:4.) Ang ngalan niining siyudara giilisdan ug “Horma,” nga nagkahulogang “Pagtugyan Ngadto sa Kalaglagan.” Kini nga siyudad, sama sa ubang mga siyudad sa mga Canaanhon, gibutang ni Jehova ‘ilalom sa pagdili’ ug gitugyan ngadto sa kalaglagan. (Deu 7:1-4) Ang mga tribo ni Juda ug Simeon nagpadapat karon sa mga kondisyon sa maong pagdili ngadto sa Zepat. Ang Zepat lagmit mao ang pangunang siyudad sa Canaan sa maong distrito o dapit.​—Tan-awa ang HORMA.