REPAN

Usa ka bathala sa kabituonan nga gihisgotan ni Esteban sa iyang pagdepensa atubangan sa Sanhedrin. (Buh 7:43) Lagmit nga gikutlo ni Esteban ang mga pulong sa Amos 5:​26, 27 sa Gregong Septuagint aron ipakita nga ang pagkadestiyero sa Israel maoy tungod sa ilang pagsimba sa langyawng mga bathala, sama kang Repan (Kaiwan). Ang mga maghuhubad sa Septuagint naghubad sa “Kaiwan” ingong Rhai·phanʹ, apan diha sa mga pulong nga gikutlo ni Esteban ang ngalang Rhom·phaʹ mao ang makita diha sa Gregong teksto ni Westcott ug Hort. Diha sa usa ka nota sa Buhat 7:​43, si F. J. A. Hort miingon: “Sa Am v 26 sa LXX ang porma nga gigamit mao ang [Rhai·phanʹ] o [Rhe·phanʹ], nga susama sa Repa o Repha, usa sa mga ngalan sa Ehiptohanong si Saturno (Seb).”​—The New Testament in the Original Greek, ni Westcott ug Hort, Graz, 1974, Tomo II, apendise, p. 92; tan-awa ang ASTROLOGO (Si Molek ug ang Astrolohiya sa Israel); KAIWAN.