ISHOMO RYA 02
Bibuli netuha amasiko g’omu biro eby’omu misho
Omu nsi yona, abantu nibabugana ebizibu ebiri kutuma bahurira bine obusaasi kandi bemerize omutima. Mbehi warahikire omu mbera ezatumire wayehurira basyoya? Nobasa kuba orwire ninga shi waferirwe omukundwa wawe. Nobasa kwebuza ngu: ‘Mbehi hine obu embera ziriba ndungi?’ Bibuli netugarukamu eco kibuzo.
1. Ni bata oku Bibuli eri kutuha amasiko?
Bibuli netushobororera enshonga omu nsi hijwiremu ebizibu, etugambira ku ni eby’akire kace, kandi ku juba aha birije kurugaho. Ebiraganiso by’omuri Bibuli nibibasa kutuha amasiko g’omu biro eby’omu misho. (Shoma omuri Yeremia 29:11, 12.) Ago masiko nigatukwasa kwehanganira ebizibu ebi turi kubugana omuri obu bwire, kugira emitekatecere mirungi n’okushemererwa okw’ebiro byona.
2. Ni enki eki Bibuli eri kugamba aha biro eby’omu misho?
Bibuli negamba ebiro eby’omu misho obu ‘hataribaho okufa bundi, n’obu kwakuba okucura nari okurira nari obusaasi.’ (Shoma omu Kushuuruurwa 21:4.) Ebizibu ebiri kutuma abantu babura amasiko nk’obucene, okutwarizibwa kubi, oburwire n’orufu nibyija kuba bitakiriho. Bibuli neraganisa ku abantu barije kubaho bashemerirwe omuri paradiso omu nsi.
3. Ni bata oku ori kubasa kukizaho kwesiga ebiraganiso by’omuri Bibuli?
Abantu bingi nibaba bine amasiko g’okutunga ebintu birungi, konka babanganisa yaba birahikirire. Konka ebi Bibuli eri kuraganisa mazima nibyija kuhikirira. Nitubasa kukizaho kwesiga ebi eri kugamba ‘twashwijuma Ebyahandikirwe.’ (Ebyakozirwe 17:11) Waba ori kwega Bibuli, noyija kweshariramu kwikiriza ebi Bibuli eri kwegesa aha biro eby’omu misho.
YEGA BYINGI
Shwijuma ebintu bimwe ebi Bibuli eri kuraganisa ebirije kubaho omu biro eby’omu misho. Reba oku amasiko agu Bibuli eri kutuha gari kukwasa abantu omuri obu bwire.
4. Bibuli netuha amasiko g’amagara agatahwaho
Reba ebiraganiso by’omuri Bibuli ebiri kukurataho. Ni biha ebiri kukushemeza? Ahabw’enki?
Shoma enyiriri ezikuratine n’ebyo biraganiso, rero muganire ahari ebi bibuzo:
Mbehi ebi byahandikirwe nibikugasira? Mbehi nibigasira ab’omu ka yawe na banywani bawe?
Yerebe omu nsi
ERIJE KUBA ETARIMU . . . |
AHU BURI OMWE ARIJE . . . |
|---|---|
|
|
|
|
|
|
|
|
|
|
5. Amasiko ga Bibuli nigatana n’agandi gona
Abantu bingi nibahwa amani ninga shi behurira kubi ahabw’ebizibu ebibehinguririze. Abamwe nibagezaho kurwanisa ngu bahindure ensi. Reba oku ekiraganiso ca Bibuli c’oku ebintu birije kuba birungi kiri kukwasa abantu omuri obu bwire. Zana VIDIYO, rero muganire ahari ebi bibuzo.
Nk’oku wakireba omuri vidiyo, ni biha bintu ebyabire biri kushasha Rafika?
N’obu ebyo bintu bitararugireho, ni bata oku Bibuli yamukwasize?
Amasiko agu Bibuli eri kutuha nigatuma twarwanisa ebizibu ebiri kutuma twahwamu amani kandi tubisingura. Shoma omu Nfumu 17:22 n’omu Barooma 12:12, rero muganire ahari ebi bibuzo:
Mbehi notekateka ngu amasiko g’omuri Bibuli nigabasa kutuma washemererwa omuri obu bwire? Ahabw’enki?
ABANTU ABAMWE NIBAGAMBA NGU: “Ebi Bibuli eri kuturaganisa omu biro eby’omu misho ni ebiroto kusha.”
Iwe notekateka ngu ni guha mugasho oguri omu kushwijuma ebiraganiso by’omuri Bibuli?
EMPINYE
Bibuli netuha amasiko kandi etukwasa kwehanganira ebizibu eri kuturaganisa ku turije kubaho tushemerirwe omu biro eby’omu misho.
Wayega ki?
Ahabw’enki abantu bari kwetenga kuhumurizibwa?
Ni enki eki Bibuli eri kugamba aha biro eby’omu misho?
Ni bata oku amasiko g’omuri Bibuli gari kubasa kukukwasa omuri obu bwire?
CONDOZA
Manya oku amasiko gari kubasa kutukwasa kwehanganira ebizibu.
“Ni nkahe ahu turi kubasa kubona amasiko?” (Musisimuke!, y’aha kiro ca 22 Okwakana, 2004)
Manya oku amasiko gari kubasa kukwasa abarwire endwara etari kukira.
“Mbehi Bibuli nebasa kukwasa omuntu kwehanganira endwara etari kukira?” (Enkuru z’ahari intaneti)
Waba ori kureba egi vidiyo erimu omuziki, oyerebe ori n’ab’eka yawe omuri Paradiso eyi Bibuli eri kuraganisa.
Shoma oku amagara g’omuntu omwe owabire ari kurwana ngu habeho obusinge gahindukire bwanyima y’okwega amasiko g’omuri Bibuli.