Okwecureza

Eki Pawulo yakozire

VIDIYO: Pawulo akaburira Omugabe Aguripa

1.Reba VIDIYO, ninga shi oshome omu Byakozirwe 26:2, 3. Bwanyima oshwijume ebi bibuzo:

1. Ni bata oku Pawulo yayerekire okwecureza omu buryo obu yagambiremu na Aguripa?

2. Ni bata oku Pawulo yatire omutima ahari Yehova n’Ebyahandikirwe omu mwanya g’okugwetaho? —Reba omu Byakozirwe 26:22.

Ni enki eki turi kwegera ahari Pawulo?

2. Obutumwa burungi nibukizaho kushemeza abandi twabubagambira omu bucurezi kandi turi kubaha ekitinisa.

Toreza Pawulo

3. Guma ogambe omu buryo bw’okuha ekitinisa. Guma oyerinde kwetwara omu buryo oburi kwereka ku ori kumanya ebintu byona kandi ku omuntu owu ori kuburira hatine eki ari kumanya. Gamba omu buryo oburi kwereka ku ori kumuha ekitinisa.

4. Guma oyereke ku amazima agu ori kwegesa gari kuruga omuri Bibuli. Ekigambo ca Ruhanga kirimu ebitecerezo ebiri kuhika abantu aha mutima. Twakikoresa, nituba turi kombeka okwikiriza kwabo aha musinge ogugumire.

5. Guma oyecureze. Yerinde kwereka ku ari iwe ohikire. Tituri kwenda kutera empaka. Yereka obucurezi ori kuguma oturize kandi omanye obwire burungi obu oramuruge omu misho. (Emi 17:14; Tit 3:2) Wayecureza nikibasa kutuma nyineka yija kwakira obutuma omu bwire bw’omu misho.