Embabazi

Eki Yesu yakozire

VIDIYO: Yesu akatambira empumi

1. Reba VIDIYO, ninga shi oshome omuri Yohana 9:1-7. Bwanyima oshwijume ebi bibuzo:

1. Mbwenu shi Yesu akabanza yatambira empumi ninga akabanza yamugambira obutumwa burungi?—Reba omuri Yohana 9:35-38.

2. Ahabw’enki oku Yesu yatwarize ogo mushija byatumire yayenda kuhurikiza obutumwa burungi?

Ni enki eki turi kwegera ahari Yesu?

2. Omuntu nahurikiza obutumwa burungi obu turi kumugambira yayehuriramu ku nitumufaho.

Toreza Yesu

3. Guma ori kufa aha muntu. Gezaho kweta omu mwanya gweye.

1. Yebuze ngu: ‘Ni biha bintu ebiri kubasa kuba biri kumwemereza omutima? Ni enki eki ndi kubasa kumukorera kikamukwasa kandi kikamushemeza?’ Wakikora basyoya nikija kukukwasa kwereka embabazi kandi okikora obyihire aha mutima.

2. Yereka ku nofa aha aha bi ogo muntu ari kureba nk’eby’omugasho ori kumurikiza. Yakugambira oku ari kwehurira ninga shi akakugambira ekizibu eki ayine, oyerinde kuhindura ekiganiro.

4. Guma ogambe n’embabazi kandi oyereke ekitinisa. Wagirira omuntu embabazi kandi okenda kumukwasa nikirebecera omu ku ori kugamba. Orondese ebigambo ebi oragambe n’iraka eri orakorese oyetonzire, kandi oyerinde kugamba ebintu ebiramugwise kubi.

5. Guma oyambe. Guma orondese oburyo oburi kukwatika bw’okuyambamu omuntu. Ebikorwa by’embabazi nibibasa kutuma omuntu yayenda kuganira n’iwe.