Okumanya kuganira

Eki Filipo yakozire

VIDIYO: Filipo akaburira omukonwa w’Omunyetiyopiya

1. Reba VIDIYO, ninga shi oshome omu Byakozirwe 8:30, 31. Bwanyima oshwijume ebi bibuzo:

1. Ni bata oku Filipo yatandikisize ekiganiro?

2. Ahabw’enki obu buri oburyo burungi bw’okutandikisa ekiganiro obu yakoresize kugira ngu aburire ogo mushija obutumwa burungi?

Ni enki eki turi kwegera ahari Filipo?

2. Ku turi kureka ekiganiro kikereta, nikituma omuntu yayeshanjura kandi ayenda kutuhurikiza.

Toreza Filipo

3. Guma oyetegereze. Oku omuntu ari kurebeka aha misho n’obumanyiso bw’omubiri nibibasa kukwereka byingi. Mbehi ogo muntu nashusha nk’ori kwenda kugira eki yakugambira? Nobasa kutandikisa ekiganiro ori kumubuza ngu: “Mbehi waba nomanya ku . . . ?” Omuntu yaba atari kwenda ngu muganire otamugema.

4. Guma oyehangane. Otatecereza ku byangire bikunzire ori kuhika notandikisa ekiganiro ekikwatirine na Bibuli. Guma otegereze obwire burungi obu eco kiganiro kirayerete. Hine obu kiri kukushaba kutegereza obundi bwire obu oraganire n’ogo muntu.

5. Guma obuganise n’embera. Omuntu nabasa kugamba aha bindi bintu ebi waba otatebekanisize. Obwe rero, guma obe oyetegwire kugambira ogo muntu obutumwa oburamugasire ezo shaha, n’obu kirayetengese kumugambira amazima g’omuri Bibuli agari kutana n’agu waba ori kwenda kumugambira.