Okufa aha bandi

Eki Yesu yakozire

VIDIYO: Yesu ari n’omukazi ah’iziba

1.Reba VIDIYO, ninga shi oshome omuri Yohana 4:6-9. Bwanyima oshwijume ebi bibuzo:

1. Ni enki eki Yesu yarebire aha mukazi mbere y’okutandika na we ekiganiro?

2. Yesu akagamba ati: ‘Mpa ec’okunywa.’ Ahabw’enki obu bwabire buri oburyo burungi bw’okutandikisa ekiganiro?

Ni enki eki turi kwegera ahari Yesu?

2. Nitubasa kugira ekiganiro kirungi twatandika turi kugamba aha kintu eki omuntu ari kukunda.

Toreza Yesu

3. Guma obuganise n’embera. Otahamira aha kutandikisa ekiganiro okoresize ebi otebekanisize. Otandikise n’ekintu eki abandi bari kutecerezaho ninga bari kugamba. Yebuze ngu:

1. ‘Ni gaha makuru agari kugambwa?’

2. ‘Ni biha bintu ebi abatahi, abakozi bagenzi bange, n’abu turi kwegana bari kugamba?’

4. Guma oyetegereze. Yebuze ngu:

1. ‘Ni enki eki ogu muntu ari kukora? Ni enki eki ari kubasa kuba ari kutecerezaho?’

2. ‘Ni bata oku ebi ajwire, oku ari kurebeka, n’eka yeye biri kwereka enyikiriza yeye ninga shi omucwe gweye?’

3. ‘Mbehi obu ni bwo obwire burungi bw’okugira eki nagambira ogu muntu?’

5. Guma otege amatu.

1. Guma oyerinde kugamba byingi.

2. Higa ogo muntu kugira eki yagamba. Caba kishemerire, omubuze ebibuzo.