Okwehangana

Eki Yesu yakozire

VIDIYO: Yesu akehanganira murumuna weye yamukwasa

1. Reba VIDIYO, ninga shi oshome omuri Yohana 7:3-5 and 1 Abakorinto 15:3, 4, 7. Bwanyima oshwijume ebi bibuzo:

1. Ni bata oku barumuna ba Yesu bayakirire obutumwa bweye omu kubanza?

2. Ni enki ekiri kwereka ku Yesu atarihire emikono ahari murumuna weye Yakobo?

Ni enki eki turi kwegera ahari Yesu?

2. Tushemerire kwehangana ahakuba hine abantu abu kiri kukwata obwire buringwa kugira ngu bakire obutumwa burungi.

Toreza Yesu

3. Hindura omu ku ori kuburira. Omuntu yaba atahikire ari kwikiriza kwega Bibuli, otabimugema. Omu bwire burungi, omwereke vidiyo ninga shi okorese kimwe omu bitabo byitu kugira ngu omukwase kushoborocerwa oku turi kwegesa abantu Bibuli n’oku biramugasire.

4. Otamugeranisa n’abandi. Abantu tibari kushushana. Wagaruka kutayayira omuntu akanga kwikiriza kwega Bibuli ninga shi emwe omu nyegesa zayo, gezaho kumanya enshonga eyatuma yabyanga. Mbehi hine enyikiriza y’edini yeye eyi ahamireho? Mbehi abanyabuzare beye na batahi beye nibamuhiganisa? Muhe obwire bw’okutecereza aha bi wamwegesa n’okwikiriza enyegesa z’omuri Bibuli.

5. Guma oshabire omuntu owayesimira amazima. Shaba Yehova kugira ngu akukwase kufa aha birungi n’okugira obwenge. Mushabe ngu akukwase kumanya obwire obu ori kubasa kureka kutayayira omuntu otarayesimire munonga amazima.—1 Kor 9:26.