Esaasi

Eki Yesu yakozire

VIDIYO: Yesu akagirira esaasi omutwe gw’abantu bingi

1. RebaVIDIYO, ninga shi oshome omuri Mariko 6:30-34. Bwanyima oshwijume ebi bibuzo:

1. Ahabw’enki Yesu n’entumwa zeye babire bari kwenda ‘kweherera’?

2. Ni enki ecatumire Yesu yayenda kwegesa omutwe gw’abantu bingi?

Ni enki eki turi kwegera ahari Yesu?

2. Esaasi nizituma twafa aha bantu omu mwanya g’okufa aha butumwa bwitu kusha.

Toreza Yesu

3. Guma ohurikize oyetonzire. Guma oyikiririze omuntu kugamba oku ari kuhurira ebintu. Otahika nomucwa omu igambo, ninga ngu ohike ori kumugambira ku ebi yagamba bitaribyo. Nambwenu otamwehuza yakugambira enyehurira zeye ninga ebimwemerize omutima.

4. Guma otecereze aha muntu owayesimira amazima. Okuratize oku mwaganira, guma oyebuze ngu:

1. ‘Ahabw’enki ari kwetenga kumanya amazima?’

2. ‘Ni bata oku kwega Bibuli birije kumukwasa omu kubaho kweye kwa burijo n’omubiro by’omumisho?’

5. Guma omugambire ebintu ebiri kubasa kumukwasa. Otatinda kumwereka oku kwega Bibuli kirije kutuma yatunga eby’okugarukamu by’ebibuzo ebi ari kwebuza kandi bikamugasira n’omu mbera zeye.