ISHOMO RYA 12

Kwereka ku nofa aha nyehurira z’abandi

1 Abatesalonika 2:7, 8

EMPINYE: Gamba n’enyehurira ezihikire kandi oyereke abakuhurikize ku nobafaho.

Tekateka aha bakuhurikize. Yetebekanise ori kuta omutima aha bizibu ebi abakuhurikize bari kukira kubugana. Gezaho kweta omu mwanya gwabo.
Torana ebigambo oyetonzire. Torana ge ebigambo ebiri kutuma abakuhurikize batuza, biri kuhumuriza kandi ebiri kubahiga kugira eki bakora. Yerinde ebigambo ebitari kwetengesa ebiri kubasa kurebeka nk’ebijumo, ninga shi ebiri kugamba kubi enyikiriza z’abakuhurikize.
Yereka enyehurira. Ori kukoresa ebimanyiso bihikire n’iraka rirungi yereka abakuhurikize ku nobafaho. Rebeka ge aha misho kandi omwenyemu.

Otayereka enyehurira ezitakurimu. Waba ori kushoma yereka enyehurira eziri kurebeka omu bi ori kushoma, konka otayegema enyehurira ezitakurimu. Gezaho kushoma omu iraka rirungi, ryorobi kandi eriri kutuma abakuhurikize bareba ku nobafaho.