CHʼOK YEʼJUNʼ 3

¿Kácheʼda ajni kuxle tama ni jardín tɨ Edén?

Dios u ɨbi aj Adán tʼo ij Eva u pete kosa utʼs (Génesis 1:28)

Aj Jehová yaʼan u chen ij Eva i u ɨben aj Adán

Aj Jehová u chi najtɨkɨ-ixík, u kʼabaʼ ij Eva, ta u itʼok tuba aj Adán (Génesis 2:21, 22).

Dios u chi aj Adán tʼo ij Eva perfectujoʼb. U kʼajalin i u kuerpu mach ani tʼo ni umpʼe falta.

Aj Adán tʼo ij Eva yaʼan u chinenob u yotot, ni jardín tɨ Edén

Kuxlijoʼb tɨ jardín tɨ Edén: umpʼe noj pitsil Kaʼb bajka ajni umpʼe ni ríu, teʼelteʼ i elekʼijob. Jinda umpʼe paraísu.

Aj Jehová u chi tsʼají yai tʼo unejob i u laj yeʼbi u pete kosa. Si yolbajoʼb kuxle u pete tiempu tan jimba pitsil Kaʼb, tenía ke u yubínob ni Dios i u tsʼonbenob u tʼan.

Dios u yelbi u chaʼtuma ke mach u kʼuxeoʼb de untek ni teʼelteʼ (Génesis 2:16, 17)

Ni teʼ ke mach debían u kʼuxeʼob ni aj Adán tʼo ij Eva

Untú ángel u sutuba tʼo Dios. Jimba ángel xux aj Satanás, ni aj Manap.

Aj Satanás, ni ángel xux, u kʼɨní untú chan ta u chen tsají tʼo ij Eva

Dios u yelbi aj Adán tʼo ij Eva ke mach u kʼuxeoʼb de untek ni teʼ ke yaʼan tama jardín. Si u kʼuxeoʼb de jimba teʼ, uxejob tɨ chɨmo.

Aj Satanás mach u yolí ke unejob u tsʼonbenob aj Jehová. U kʼɨnelesi untsʼit chan i u yelbi ij Eva ke mach aji tɨ chɨmo si u kʼuxeʼ de ni teʼ ke elbintik mach u kʼuxeʼ. U yelbi ke u je tɨ ajne kaʼ chi Dios. ¡Noj gran jopʼojtiʼ! (Génesis 3:1-5.)