Itá Kot A Kan Áfánnuk?

EKKEWE LESEN SIPWE KÁÉ

SEPTEMBER 29, 2014 2014–OCTOBER 5, 2014

PEKIN TAROPWE 8 • KÉL: 3, 9

Met Wisen Ekkewe Fefin lón án Jiowa Kókkót?

Sipwe káé ika ifa usun ewe féfférún ú ngeni Kot lón Eten a kkúú mwán me fefin. Ppii pwóróusen ekkóch ekkewe fefin lóóm mi niwokkusiti Kot. Pwal och, ppii met wisen ekkewe fefin Chón Kraist ikenái lón án Kot kókkót.

OCTOBER 6-12, 2014

PEKIN TAROPWE 13 • KÉL: 37, 10

Néúnéú ewe Kapasen Kot​—A Manaw!

Meinisin chón afalafala usun án Kot we Mwú ra mochen lipwákéch lón ewe angangen afalafal. Ppii ekkóch afalafal mi álilliséch ren ifa usun sipwe néúnéú ewe Paipel fitifengen me néúch kewe tract le poputá pwóróus ngeni aramas me achchúngú letiper ren án Jiowa we Kapas mi manaw.

OCTOBER 13-19, 2014

PEKIN TAROPWE 18 • KÉL: 51, 50

Ifa Usun Jiowa A Arap Ngenikich

A lamot an epwe wor ach riri ngeni ewe Chón Férikich. Ppii ifa usun án Jiowa awora ewe méén kepich me an we Kapas ra pwáraatá pwe i a akkomw le arap ngenikich.

OCTOBER 20-26, 2014

PEKIN TAROPWE 23 • KÉL: 26, 11

Rongorong Ngeni Léúwen Jiowa Ese Lifilifil Ia Ka Nóm Ie

Ren ach sipwe feffetál wóón ewe al mi enlet, mi lamot sipwe rongorong ngeni án Jiowa kewe kapasen emmwen. Káé ifa usun sia tongeni rongorong ngeni léúwen Jiowa inaamwo ika a wor minen erikirik seni Satan me pwal pwisin apwangapwangen futukach. Ei lesen epwe álisikich le aúcheani lamoten ach sipwe ikkiótek me akkaúseling ngeni ewe Kot mi enlet.

PWAL LÓN EI PUK

Itá Kot A Kan Áfánnuk? 3

Kot A Kan Nennengonuk 4

Kot A Weweituk 5

Kot A Tongeni Oururuk 6

Kot A Mochen Ririéch Ngonuk 7

Chón Állea Ra Eis . . . Ié A Féri Kot? 28

Ka Kan Akkangei ewe “Mongö lon Fansoun Fich”? 29

Án Paipel Kewe Kapas Eis Ra Pélú 32