Emiritiir Seni Le Mönükolur

A fokkun amwarar tufichin emön kükkün semirit le käeö me föri mineföön mettoch. Inaamwo ika a weires ngeni ekkewe watte ar repwe käeö eü mineföön fos, nge ekkewe kükkün resaamwo fiti sukul ra tongeni käeö ruu ika ülüngät sokkun fos lon chök eü fansoun. Kosap fokkun ekieki pwe noum we semirit a kon kükkün pwe esap tufichin käeö föfför mürinnö. Ika ka äkkäiti noum we ekkewe kapasen emmwen mi enlet lon Paipel seni chök me le kükkünün, iwe, atun epwe ekis wattetä, tupwuan epwe fen masou ren ewe sile epwe ‘atipachema o emwen ngeni an epwe küna manau.’—2 Tim. 3:15.