Enniwilin Pworaus fän iten ewe Sukulen Afalafal

Ikkeei ekkewe kapas eis repwe pölü atun ewe Sukulen Afalafal lon wiiken February 28, 2011. Ewe sukul overseer epwe emmweni ewe Enniwilin Pworaus seni ekkewe afalafal seni wiiken January 3 ngeni February 28, 2011 lon ükükün 20 minich.

1. Ifa ewe angang Hesekaia a föri le poputään an nemenem, iwe, ifa usun sipwe äppirü i lon ach ei fansoun? (2 Kron. 29:16-18) [wp09 6/1 p. 14 par. 13]

2. Ifa usun ekkoch chonläng ra ngawolo? [bh chap. 10 par. 8]

3. Ifa usun Esra 3:1-6 a apöchökkülatä ekkewe wokisin mi ännetatä pwe muchuloon ekkewe 70 ier Jerusalem epwe pöönulo lon a pwönütä usun a fen oesini? [w06 1/1 p. 30 par. 7]

4. Pwata Esra a rükö atun a silei pwe chon fel mi enlet ra pwüpwülü ngeni chon ekkewe fönü? (Esra 9:1-3) [w06 1/1 p. 31 par. 4]

5. Iö ekkewe “aramas tekia,” me ifa ar ekiek sipwe tümünükich seni? (Ne. 3:5) [w06 2/1 p. 30 par. 1]

6. Pwata ach sotun kapas ngeni ekkewe mi mälo, ina eü minen efeiengaw? [bh sopwun 10 par. 12]

7. Ifa usun sipwe äppirü ekkewe chon Israel lon ränin Nehemia we ren ach sisap tümününgaw ngeni angangen ‘imwen ach we Kot’? (Ne. 10:32-39) [w99 5/1 p. 17 par. 12]

8. Eli ach ekieki föfförün Nehemia epwe amwökütükich le eisini pwisin kich met sokkun kapas eis? (Ne. 13:31) [w97 4/1 p. 13 par. 3]

9. Met sipwe föri pwe sipwe tufichin ü ngeni ekkewe chonläng mi ngaw? [bh sopwun 10 par. 17]

10. Met Setan a efisi tipemwaramwar woon usun Jiowa, iwe, ifa usun? [bh sopwun 11 par. 10]