Ka Tongeni Pwapwaiti Feiéch Esemuch Seni ewe Kot mi Tong

• Ka kan áneánei eú fénúfan ese wor maun, akkachofesá, me tipefesen lón?

• Ka kan áneánei an esap chúen wor semmwen, riáfféú, me máló?

• Ka wesewesen mochen ngaseseni óm kewe aúrek me lólilen?

• Ka mochen nóm lón eú leeni ese kan tottori feiengaw watte?

Ach we Kot mi tong, ewe Chón Fératá ach ei fénúfan mi lingéch, a pwonei an epwe efeiéchú aramas ngeni eú manaw mi pwapwa me kinamwe tori feilfeiló. Ei esap chék eú ttan.

Lón ekkewe lesen mwirin ei, aua etiwok le ppii:

• Met meefien ewe Chón Fératá ngeni aramas

• Met án Kot we Kapas a áiti ngenikich

• Met néún Kot kewe soufós ra pwári ngenikich usun ekkewe feiéch Kot a pwonei

• Ifa usun Kot epwe álisikich le pwapwa iei pwal lón mwachkkan

Sipwe poputá ren ach etittina án ewe Chón Fératá pwári tong ngeni aramas.