Watchtower ONLINE LIBRARY
Watchtower
ONLINE LIBRARY
Chuuk
  • PAIPEL
  • PUK
  • MEETINGS
  • my pwóróus 48
  • Ekkewe Chón Kipeon Mi Tipachem

Ese wor video fán iten ei kinikin.

Omusaaló, a wor osukosuk le eppietá ewe video.

  • Ekkewe Chón Kipeon Mi Tipachem
  • Nei Puken Pwóróusen Paipel
  • Pwal Ekkóch
  • Josua me Ekkewe Chón Kipeon
    Lesen Ka Tongeni Káé Seni Paipel
  • Ekkewe Lesen Seni Pwóróusen Chón Kipeon
    Manawach Chón Kraist me Ach Angangen Afalafal​—Minen Káé fán Iten Mwich—2021
  • Ewe Akkar A Kaúló
    Nei Puken Pwóróusen Paipel
  • Kapas Eis Seni Chón Állea
    Ewe Leenien Mas a Esilefeili án Jiowa We Mwú (Fán Iten ewe Mwichefel)—2022
Pwal Och
Nei Puken Pwóróusen Paipel
my pwóróus 48

PWÓRÓUS 48

Ekkewe Chón Kipeon Mi Tipachem

IWE iei, chómmóng ekkewe telinimw lón Kanaan ra ammólnatá pwe repwe maun ngeni Israel. Ra ekieki pwe repwe tongeni win. Nge esap ina usun ekiekin ekkewe aramas lón eú telinimw mi kkanoto, ewe telinimw Kipeon. Ra lúkú pwe Kot a ákkálisi ekkewe chón Israel, iwe rese mochen fiu ngeni Kot. Iwe, ka silei met ekkewe chón Kipeon ra féri?

Ra ekiekietá ar repwe tipin féri pwe usun itá nge iir seni eú fénú mi fókkun towau. Ina pwata ekkóch ekkewe mwán ra úféúf ekkewe úf mi mes me néúnéú ekkewe choori mi mes. Ra ekietá wóón néúr kewe tongki ekkewe túúk mi mes me pwal uwei ekkewe pilawa mi pwót. Mwirin ra ló chuuri Josua me apasa: ‘Aua fen feito seni eú fénú mi wesewesen towau, pún aua fen rong usun ámi we Kot mi lapalap, Jiowa. Ám aua rong usun meinisin ekkewe mettóch a féri fán itemi lón Isip. Ina popun, néúm kewe sou emmwen ra erenikem pwe aupwe ammólnatá mwéngé fán iten ám sái, iwe ra erá pwe aupwe chuuruk me erenuk: “Ám néúmi chón angang, ámi oupwe pwon ngenikem pwe ousap maun ngenikem.” Oua tongeni kúna pwe úfem keei ra fen mesiló pokiten ám sáittam, iwe enem keei pilawa ra fen pwótoló.’

Josua me ekkewe sou emmwen ra lúkú ekkewe chón Kipeon. Iwe, ra pwon ngeniir pwe resap maun ngeniir. Nge úlúngát rán mwirin, ra silei pwe ekkewe chón Kipeon ra nónnóm lón eú fénú mi chék kkanoto.

Josua a eisiniir: ‘Pwata oua erenikem pwe oua feito seni eú fénú towau?’

Ekkewe chón Kipeon ra pélúweni: ‘Ám aua ina usun pún aua rong pwe ámi we Kot Jiowa a fen pwon pwe epwe liffang ngenikemi unusen ei fénú Kanaan. Ina popun, ám aua niwokkus pwe ámi oupwe nikemiló.’ Nge ekkewe chón Israel ra apwénúetá ar pwon, iwe rese nieló ekkewe chón Kipeon. Nge ra néúniir chón angang.

Ewe kingen Jerusalem a song pokiten án ekkewe chón Kipeon féri eú pwonen kinamwe lefiler me ekkewe chón Israel. Iwe a ereni fémén king: ‘Ou feito me álisiei le maun ngeni Kipeon.’ Iwe, ina ewe mettóch ekkewe nimmén king ra féri. Itá ekkewe chón Kipeon ra tipachem ren ar kútta kinamwe seni Israel, nge iei ekkeei king repwele etto maun ngeniir? Sipwe ppii.

Josua 9:1-27; 10:1-5.

Kapas Eis

    Meinisin mi Peres lón Fósun Chuuk (1987-2025)
    Log Out
    Log In
    • Chuuk
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share