A Pwénúetá Minne Paipel A Oesini

Ewe Paipel ese chék awora ekkewe pwóróus mi enlet usun minne a fis lón ekkewe fansoun lóóm, nge a pwal apwóróusa usun met epwe fis lón ekkan fansoun repwe feito. Aramas rese tongeni áweweei pwóróusen mwachkkan. Ina ewe popun sia silei pwe ewe Paipel a popu seni Kot. Met ewe Paipel a apasa usun mwachkkan?

A kapas usun án Kot we maun mi lapalap. Lón ei maun, Kot epwe limeti fénúfan seni meinisin ekkewe mettóch mi ngaw me aramas mi ingaw, nge epwe túmúnú iir kewe mi angang ngeni. Jesus Kraist, néún Kot we king, epwe wisen ppii pwe néún Kot kewe chón angang repwe pwapwaiti kinamwe me pwapwa, iwe resap chúen semmwen are máló.

Sia pwapwa pwe Kot epwe fératá eú paratis mi fé wóón fénúfan, ika met? Nge mei wor och mettóch sipwe féri fán iten ach sipwe manaw lón ei paratis. Lón ewe sáingoon sópwun lón ei puk, sipwe káé met sipwe féri ren ach sipwe pwapwaiti ekkewe mettóch mi amwarar Kot a fen ammólnatá fán ásengesin iir kewe mi angang ngeni. Iwe, kopwe álleani KINIKIN 8 me ppii met ewe Paipel a oesini usun mwachkkan.