Köl 31 (67)
Isoni Pisek Auchea Lon Lang
1. Sipwe kan tongei Jiowa,
Semem mwo saramen lang!
Liffang mi unusoch, lingoch,
Seni I, mi auchea.
A kawor uf, anach, imwach,
Ppwul, foun ira, akkar, ut.
Sa kilisou ngeni ach Kot
Pwe a amanauakich.
2. A mmen solap ach eani ach
Fansoun lon foffor mi mwaal,
Iseis pisek mi muttir mo,
Sap mettoch mi auchea!
Nge sipwe menemenoch ren
Minne sia osupwang.
Ren ach fofforoch sa kamwoch
Ewe manau mi enlet.
3. Eani ach fansoun me pisek
Fan iten mi osupwang.
Ngeni mi echik porausen
Ewe Muu mi lukuluk.
Pwe ren angang mi umoumoch
Kot me Kraist sa pacheri;
Ina ussun iseis lon lang
Pisek auchea sap much.